Tertulias Literarias

Un ano máis a Concellería de Cultura do Concello de Ourense organiza as Tertulias Literarias cos clubes de lectura dos diferentes institutos da contorna. O club de lectura Alén das Lagoas participa como cada ano. O título elixido para a tertulia en galego é O meu nome é ninguén de Manuel Esteban. O meu nome é Ninguén é unha novela policial, pero tamén un tratado sobre a perda da identidade, un manual de filosofía para perdedores onde ninguén é o que parece: un inspector de policía que se fai pasar polo seu irmán, un hacker agochado tras un pseudónimo, unha muller que ten que cambiar de nome ou un rapaz con síndrome de Down que pode ser calquera, indistinguible entre a multitude. Un ninguén.